Настройки шрифта
Arial
Times New Roman
Межбуквенное расстояние
Стандартное
Увеличенное
Большое
Цветовая схема
Черным
по белому
по белому
Белым
по черному
по черному
21.04.2025, 16:51
Обновлено: 05.09.2025, 22:56
Аляксандр Лукашэнка направіў словы спачування ў сувязі са смерцю Папы Рымскага Францыска
У Беларусі з пачуццём глыбокага смутку ўспрынялі вестку аб заканчэнні жыццёвага шляху Папы Рымскага Яго Святасці Францыска. Аб гэтым гаворыцца ў пісьме, якое Прэзідэнт Беларусі Аляксандр Лукашэнка накіраваў у Ватыкан у связі са смерцю Пантыфіка.
«Шматгадовае служэнне Францыска Хрысту было насычана любоўю да паствы, усіх людзей, усяго свету. Як сапраўдны гуманіст і абаронца інтарэсаў простага чалавека, Пантыфік унес неацэнны ўклад у справу забеспячэння сацыяльнай роўнасці і справядлівасці», – адзначаецца ў пасланні Яго Высокапраасвяшчэнству Кардыналу Кевіну Джозэфу Фарэлу камерлнга Рымска-каталіцкай царквы.
Аляксандр Лукашэнка лічыць, што дзейнасць Папы Рымскага Францыска стала сведчаннем глыбокай веры, мудрасці і гуманізму. А для ўсіх тых, хто меў гонар сустрэцца з Яго Святасцю, ён назаўжды застанецца прыкладам смеласці, годнасці і адданасці хрысціянскім ідэалам.
«З цеплынёй успамінаю афіцыйны візіт у Ватыкан і думкі, якімі мы абменьваліся з Францыскам у шчырых лістах. Удзячны за яго работу по умацаванні ўзаемапаважлівых адносін паміж Беларуссю і Святым Прастолам. Прыміце мае шчырыя спачуванні і словы падтрымкі у сувязі з гэтай цяжкай стратай», – гаворыцца ў пісьме.
Фота: БЕЛТА
