Джэрэмі Хант, які ўзначальвае міністэрства замежных спраў Вялікабрытаніі, быў вымушаны выбачацца за няёмкі выпадак, які адбыўся з ім падчас візіту ў Кітай.

Падчас міністэрскай сустрэчы Хант назваў сваю жонку японкай, хаця насамрэч яна кітаянка. Словы міністра выклікалі смех у зале: ён адразу ж выправіўся і папрасіў прабачэння ў прысутных.

Пазней Хант размясціў у Twitter напаўжартаўлівы пост, у якім папрасіў прабачэння і ў жонкі. «Калі вы размаўляеце па-англійску з кітайцамі пра размову, якая была ў вас па-японску пра вашую кітайскую жонку, не пераблытайце іх! Прашу прабачэння ў шматпакутнай місіс Хант», – напісаў чыноўнік.