31.08.2024, 20:42
Обновлено: 31.08.2025, 18:54
Віншаванне з Днем беларускага пісьменства накiраваў Аляксандр Лукашэнка
Прэзідэнт Рэспублікі Беларусь Аляксандр Лукашэнка накіраваў ліст-віншаванне ўдзельнікам і гасцям свята Дня беларускага пісьменства. Аб гэтым інфармуе прэс-служба Кіраўніка дзяржавы.
«Паважаныя сябры! Шчыра вітаю гасцей і ўдзельнікаў Дня беларускага пісьменства, які селета адзначаецца на гасціннай брэсцкай зямлі, у самабытным горадзе Івацэвічы. Гэтае свята нагадвае нам аб важнасці захавання і развіцця праз кнігу нацыянальнай культурнай спадчыны, духоўных традыцый народа. Такія каштоўнасці яднаюць людзей і спрыяюць росквіту краіны. Літаратура і матчына мова былі і застаюцца падмуркам у выхаванні высокіх маральных якасцей, фарміраванні грамадзянскасці», – адзначыў Прэзiдэнт Беларусi.
«Упэўнены, што беларусы заўжды з павагай будуць адносіцца да нашага гістарычнага здабытку, берагчы невычэрпныя культурныя скарбы продкаў, штодзеннай працай умацоўваць суверэнітэт дзяржавы. Шанаваць нашу мову і славутых майстроў слова – песняроў роднай зямлі. Сардэчна жадаю гасцям і ўдзельнікам мерапрыемства здароўя, згоды і дабрабыту, а таксама новых цікавых сустрэч, поспехаў і творчага натхнення», – гаварыцца ў вiншаваннi.
Фото: архiў БЕЛТА / носіць ілюстрацыйны характар
