Для тых, хто скончыў школу, надыйшла гарачая пара. Выпускнікі здаюць экзамены, на чарзе – цэнтралізаванае тэсціраванне, заяўкі падалі больш за 64 тысячы чалавек. 

Самымі папулярнымі прадметамі сталі руская мова і матэматыка. Іспыты па кожнай з гэтых дысцыплін будуць праводзіцца два дні. Усё ЦТ пройдзе з 25 чэрвеня па 16 ліпеня. Любыя пытанні, што датычацца ўступнай кампаніі, можна высветліць па тэлефоне – у Міністэрстве адукацыі працуе гарачая лінія для абітурыентаў і іх бацькоў.