Ад рэгістрацыі нерухомасці да стварэння карты нашай краіны. Спектр задач у спецыялістаў – шырокі. У сферы працуюць больш за шэсць тысяч чалавек.

Галоўнае профільнае ведамства – Камітэт па маёмасці – рэгулюе ўсю дзейнасць на зямлі. Рэгістрацыя і ацэнка маёмасці, вядзенне кадастравых рэестраў, фарміраванне карты Беларусі. Толькі летась у яе ўключылі 17 новых аб'ектаў. Зараз акцэнт на цыфравізацыю.

Некалькі гадоў супрацоўнікі сумесна з іншымі інстытутамі працавалі над інфармацыйным праектам. Нацыянальны геапартал запусцілі зусім нядаўна. Цяпер звесткі пра зямельныя ўчасткі і маёмасць можна атрымаць анлайн – без лішніх запытаў. 

Працягнецца работа і па ўвядзенні ў абарот пустых жылых дамоў. Толькі летась новых гаспадароў знайшлі больш за дзве тысячы аб’ектаў, у асноўным іх набылі за базавую велічыню. Зараз у адзіным рэестры – каля 56 тысяч пабудоў.