Бортправаднікі «Белавія» змянілі форму на спартыўны касцюм падчас II Еўрапейскіх гульняў

1081

Знаёмства з Беларуссю – з борта самалёта! Сустракаць замежных гасцей II Еўрапейскіх гульняў «Белавія» зараз будзе ў спартыўным стылі.

Замест класічных туфляў – красоўкі. Такі касцюм апрануць 18 бортправаднікоў. Дызайн беларускія вытворцы распрацавалі спецыяльна да вялікага спартыўнага свята Еўропы. А каб кожны госць не страціў каардынат – нанесены геалагатып. 

У спартыўным стылі ўжо сёння экіпажы будуць сустракаць гасцей і атлетаў з Лондана, Парыжа і Рыма. У сярэднім рэйсамі авіякампаніі на II Еўрапейскіх гульнях скарыстаюцца больш за 2500 аматараў спорту з-за мяжы.