Беларусь сёння адзначае Міжнародны дзень роднай мовы. Дыктоўкі, перформансы, цытаты беларускіх класікаў на фасадзе Нацыянальнай бібліятэкі. У кожным рэгіёне – свае ўрачыстасці.
Напярэдадні ў Віцебску ў галоўнай канцэртнай зале творчыя калектывы правялі незвычайныя рэпетыцыі. Новая пастаноўка аматараў сучаснай харэаграфіі па творы беларускага пісьменіка.
Тут жа ў танцавальнай зале – парты, за якімі вучні напісалі дыктоўку. А інтэрнацынальны хор праспяваў песню на беларускай мове. Убачыць гэтыя работы гледачы змогуць на працягу года на канцэртах і ў масавых праграмах абласнога цэнтра.
У Віцебску жыве і шмат замежных студэнтаў. Іх таксама запрасілі на свята. Госці не толькі вывучылі некалькі радкоў песні на беларускай мове, але і пазнаёмілі віцебскія творчыя калектывы ўжо са сваёй роднай мовай.
Подписывайтесь на нас в Telegram