Прайшла жараб’ёўка матчаў 33-га чэмпіянату Беларусі па футболе сярод каманд Вышэйшай лігі. Сёння клубы элітнага дывізіёна даведаліся пра сваіх сапернікаў у першых двух турах.
Праводзіць жараб’ёўку чэмпіянату краіны ў знакавых культурных месцах стала добрай традыцыяй. У мінулым годзе пары розыгрышу вызначалі ў сталічнай ратушы. Вось і сёння лакацыя мерапрыемства невыпадковая, бо 2023 год – Год міру і стваральнай працы.
Чэмпіёны краіны трох апошніх гадоў, футбалісты салігорскага «Шахцёра», адкрыюць новы сезон дамашнім матчам з наваполацкім «Нафтанам». Сярэбраны прызёр мінулага года – сталічны «Энергетык-БДУ» – прыме на сваім полі «Слуцк». Адной з цэнтральных сустрэч першага тура стане матч БАТЭ з уладальнікам Кубка Беларусі «Гомелем».
У першым туры гродзенскі «Нёман» гуляць не будзе. У гэтым годзе колькасць каманд у чэмпіянаце няцотная. 15 калектываў: 13 удзельнікаў Вышэйшай лігі мінулага сезона і «Нафтан» са «Смаргонню», якія падняліся з першай лігі. Яшчэ адным удзельнікам павінен быў стаць «Макслайн», але рагачоўская каманда не выканала правілы ліцэнзавання.
Такая формула турніру складаная ў арганізацыі, але ў гісторыі ўжо былі падобныя выпадкі. Трыццаць гадоў таму ў нацыянальным першынстве гулялі 17 клубаў, а ў 2012 выступалі 11 каманд. Чэмпіянат пройдзе ў 3 кругі, а ў кожным туры замест васьмі звыклых матчаў будзе 7.
Новы футбольны сезон у Беларусі адкрыецца ўжо ў гэту суботу гульнёй за Суперкубак, у якім чэмпіён краіны «Шахцёр» згуляе з уладальнікам Кубка «Гомелем». А вось чэмпіянат краіны стартуе 17 сакавіка.
Подписывайтесь на нас в Telegram