21
февраля 2018
В мире
20:39
Беларускія і кубінскія медыкі сумесна працуюць над стварэннем новага прэпарата ад раку лёгкіх
  

Все эфирные видеоматериалы в любое время доступны
на нашем YouTube-канале. Подписывайтесь, это абсолютно бесплатно!


Лепш у бальніцу не трапляць. Але ж, калі так здарылася, змагацца з хваробай дапамогуць сучасныя лекі. Беларускія і кубінскія медыкі распачалі сумесны праект і працуюць над новым прэпаратам.

Хутка хворыя на рак лёгкіх змогуць разлічваць на якаснае лячэнне і эфектыўныя лекі, якія паступіць у нашу краіну могуць ужо сёлета.

Медыцынскі кластар Гаваны хоць і знаходзіцца на захадзе сталіцы Кубы, але тутэйшыя медыкі жартуюць: на самай справе мы ўсе ўсходнія. Штуршок свайго развіцця галіна атрымала падчас Кубінскай рэвалюцыі, у 60-ых гадах мінулага стагоддзя. Не без дапамогі Савецкага Саюза (адсюль і выраз – «усходнія»), але ў 90-ыя імперыя распалася, а Востраў Свабоды так і застаўся краінай з вельмі высокім узроўнем медыцынскіх паслуг ва ўсім свеце.

Па звестках Сусветнай арганізацыі аховы здароўя, Куба на працягу дзесяці гадоў уваходзіць у лік пяці краін сусвету з найлепшым узроўнем медыцыны. Пры гэтым адукацыя на Кубе таксама нічога не каштуе навучэнцам. У кожным штаце краіны (а ўсяго іх 15) ёсць свой медыцынскі інстытут. І медыцынскія паслугі – выключна бясплатныя. Для ўсіх. І пры любой хваробе.

Адсюль і красамоўныя лічбы. Працягласць жыцця на Кубе – 80 гадоў, а дзіцячая смяротнасць – адна з самых нізкіх на планеце. Дарэчы, як і ў Беларусі. Адна з самых прэстыжных устаноў – Цэнтр малекулярнай імуналогіі – не першы год супрацоўнічае з беларускімі прадпрыемствамі. Напрыклад, сумесна распрацавалі два прэпараты ад анкалогіі. І 80 адсоткаў ад яго праз акіян адпраўляюць менавіта беларускім пацыентам.

Прафесія доктар – самая прывабная на Кубе. Сёння ў галіне аховы здароўя працуе 350 тысяч чалавек. Гэта пры 11 мільёнах насельніцтва. Увогуле, кубінцы выкрэслілі для сябе тры галоўныя «хворыя» ворагі: дыябет, гепатыт і, безумоўна, анкалогію. Грошы значэння не маюць.

У гэтым годзе беларускія і кубінскія медыкі разам паставілі адну галоўную мэту. Гэта барацьба з анкалогіяй. Прычым аснова гэтай барацьбы – гэта не магчымасць зарабіць, а магчымасць дапамагчы кожнаму.

На медыцыну кубінскі ўрад штогод накіроўвае палову ад усёй валютнай выручкі. Увага надзяляецца не толькі традыцыйным спробам лячэння! Усім магчымым! Асноўны склад аднаго з прэпаратаў ад анкалогіі – яд блакітнага скарпіёна. Спецыяльныя фермы працуюць на багнах. Але кубінцы перакананыя – перш за ўсё трэба дасканала разабрацца ў генным кодзе чалавека. Вось тады можна знайсці выйсці для кожнага дыягназу. У Цэнтры геннай інжынерыі і біятэхналогій кожны дзень вынаходзяць новыя формулы, якія праз час пераўтвараюцца ў новыя лекі.

Аснова супрацоўніцтва паміж Беларуссю і Кубай – чатыры дакументы. Два пагадненні датычацца супрацоўніцтва паміж профільнымі міністэрствамі, у тым ліку ў галіне звароту лекаў. Яшчэ два пагадненні – аб узаемным прызнанні лекаў і ўзаемных пастаўках. 

Наш канал в Telegram. Присоединяйтесь!

Тема: Беларусь-КубаЗдоровье и медицинаМедицинаОбразование
Корреспондент: Анатолий Занкович
География: Куба
Оператор: Дмитрий Буй